+2 °С
Болотло
Шиғырҙар
10 Февраль 2025, 11:30
Блиндаж шәме
Иңдәренә һалып илдең ғәмен,
Блиндаж шәме
Блиндаж шәме яһай әсәйҙәр.
Илгә оло һынау килгән саҡта,
Ил хәстәре менән йәшәйҙәр.
Майшәм иретәләр ҡатын-ҡыҙҙар,
Теләп теләктәрҙең олоһон,
Барыһы ла Еңеү өсөн тиеп,
Ҡушып йөрәктәрҙең йылыһын.
Улдар, яуҙан ҡайтһа өшөп-туңып,
Ышыҡ эҙләп әсе һыуыҡта,
Блиндаж эстәрендә йылынырҙар,
Майшәм янһа кәнсир һауытта.
Майшәм булһа, ҡайнар сәй эсерҙәр,
Йылытырҙар һалдат бутҡаһын.
Иҫән генә ҡайтһын барыһы ла,
Ир-егеттәр - донъя тотҡаһы.
Әнисә МӘХИЙӘНОВА.
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
