+12 °С
Облачно
Шиғырҙар
3 Сентября , 09:35
Беренсе класс ҡыҙына
Сәстәреңә ҡунған аҡ күбәләк,
Беренсе класс ҡыҙына
Шатлыҡ осҡондары күҙеңдә.
Аҡ алъяпҡыс, аҡ сәскәләр менән
Күбәләккә оҡшаш үҙең дә.
Ашҡына ла, талпына ла бөгөн
Леп-леп типкән кескәй йөрәгең.
Оҙатаһың изгеләрҙән-изге
Сабыйлыҡтың һуңғы көндәрен.
Юйылмаҫлыҡ хәтирәләр ҡалыр
Мәктәптәге тәүге көнөңдән.
Яурыныңа күрә йөгөң дә бар —
Һин яуаплы кеше бөгөндән.
Илем мөхәббәтен һөйләй һиңә
Аҙым һайын йылы ҡараштар.
Оло юлға оҙатып бара һымаҡ
Үҙең менән йәштәш ағастар!
Фәниә ЧАНЫШЕВА.
Фотола: Ф.Мостафина исемендәге 1-се "В" синыфы уҡыусыһы Камилла Кашапова.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
