+14 °С
Ясно
Шиғырҙар
12 Сентября , 04:20
Көҙ нағышы
Рәми ҒАРИПОВ
Көҙ нағышы
Йәй – йән күрке. Тотош хазина – ҡыш,
Яҙ – һабантуй. Моңһоу – көҙ генә.
Көҙҙөң тымыҡ һары һағышына –
Нағышына көҙҙөң түҙ генә!
Ә шулай ҙа көҙҙә күпме йәм бар,
Һүҙ әйтмәгеҙ, зинһар, көҙөмә.
Осар ҡоштар сәфәр сыҡҡанда мин
Асылыма ҡайтам – үҙемә.
Япа-яңғыҙ йөрөп урмандарҙа,
Һемергәндәй утлы ялҡынды,
Мул емешен йыя көҙөн кеше
Ҡояш һымаҡ алтын аҡылдың.
Фото: pinimg.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
