-13 °С
Болотло
TelegramТестарVKOK
Бөтә яңылыҡтар
Спорт
21 Февраль 2020, 13:55

Мөрсәлимдәр шахмат ярата. Ә һеҙ?

Шахмат уйынының белем биреүҙең сифатына туранан-тура бәйле икәнлеген барыбыҙ ҙа яҡшы аңлай. Рәсәйҙең элекке мәғариф министры Ольга Васильева ла уның башланғыс синыфтарҙа дәрес булып индерелергә тейешлеге хаҡында әйткәйне. Сөнки был уйын балаға уйларға, фекерләү ҡеүәһен үҫтерергә лә ярҙам итә. Тик бөтә белем алыу усаҡтарында ла быға етерлек кимәлдә иғтибар бирелеп бөтмәй.

Ә бына Салауат районының Мөрсәлим мәктәбендә былтыр дәрес булып ингән, быйыл ни өсөндөр түңәрәккә ҡалдырғандар.

– Дәрес булып ингәндә һәйбәтерәк, өй­рәтеүе лә еңелерәк ине. Түңәрәккә V – XI синыфтарҙан барлығы 35 бала йө­рөй. Күберәк тә булырҙар ине, шахмат сәғәте, таҡталар етмәй.

Уҡыусыларға бик оҡшай. Район ярыштарында ҡатнашып, призлы урындар алып ҡайталар. Балалар араһында көслө генәләре бар. Мәҫәлән, алтынсынан Искәндәр Динисламов, Вилена Ибраһимова, етенсенән Динис Хисмәтуллин, унынсынан Әлмира Тархановалар. Шахмат кәрәк-яраҡтары етерлек кимәлдә булһа, тағы ла юғарыраҡ уңыштарға өлгәшер инек, – ти түңәрәк етәксеһе Зифа Мәғзүм ҡыҙы Фәрхитова.

Әйткәндәй, ул үҙе лә шахматта уйнарға бик әүәҫ. 21 йәшендә үҙ алдына өйрәнеп, хәҙер 35 йыл күп ярыштарҙа ҡатнашып, еңеүҙәр яулай. Ун биш йыл рәттән районда мәғариф хеҙмәткәрҙәре араһында I урынды биргәне юҡ. Төньяҡ-көнсығыш төбәк-ара ярышта – көмөш призёр, республика буйынса ветерандар араһында III урынға лайыҡ булған.

Бына бит нисек! Һоҡландыра уңыштары!


Ғәлиә ХӨСӘЙЕНОВА.

Читайте нас в