+12 °С
Ямғыр
Бөтә яңылыҡтар
Спорт
2 Октябрь 2020, 14:06
Метсола менән Хартикайнен да – карантинда
Беҙҙең «Салауат Юлаев»ҡа ла бәлә килде.
Коронавирус арҡаһында «Автомобилист» (Екатеринбург) менән уйнағанда Өфө боҙона төп хоккейсыларҙан тик Дмитрий Кугрышев, Михаил Воробьёв, Евгений Бирюков, Александр Алексеев, Дмитрий Коробов, Евгений Лисовец, Алексей Семёнов, Шакир Мөхәмәҙуллин һәм Родион Әмиров ҡына сыҡты. Улар менән бергә байтаҡ йәштәребеҙ һынау үтте. Ҡапҡасыбыҙ Александр Скрынник менән һөжүм итеүсе Михаил Козлов тәүге тапҡыр беҙҙең команда өсөн уйнаны.
Юлаевсыларға бик ауырға тура килде. «Автомобилист» Павел Дацюк, Якуб Коварж, Анатолий Голышев кеүек лидерҙары менән сыҡты алышҡа. Йәштәр йәштәр инде, беҙҙең хоккейсыларға тәжрибә, оҫталыҡ етмәне. Шуға ла еңелдек тә инде – 1:4. Ә беҙҙекеләрҙән берҙән-бер голды Шакир Мөхәмәҙуллин пасы менән Родион Әмиров индерҙе.
Был отолоуға артыҡ көймәйек. Юлаевсылар мәрәйҙәре буйынса барыбер лидерҙар араһында килә, һаман да өсөнсө урындабыҙ. «Автомобилист» менән осрашҡанға тиклем «Өфө-Арена»ла «Трактор»ҙы (Силәбе) – 3:1, «Витязь» (Подольск) командаһын 6:5 иҫәптәренә еңеп ҡайтарғайныҡ. Шуныһы ҡыуаныслы: был уйындарҙа ла күп йәштәребеҙ ҡатнашты. Мәҫәлән, «Витязь» менән алышта Родион Әмиров ике хәл иткес гол индерҙе. Алексей Пустозёров менән Илья Баранов та мәргәнлеген күрһәтеп өлгөрҙө.
Бына шундай хәлдәр. Юлаевсыларҙы хәҙер сит майҙанда: 3 октябрҙә – «Нефтехимик» (Түбәнге Кама) һәм 5-ендә «Аҡ Барс» (Ҡазан) менән «йәшел дерби» көтә. Лидерҙарыбыҙ карантиндан сығып өлгөрмәһә, тағы ла йәштәребеҙгә һынау үтергә тура киләсәк инде. Ә 8 октябрҙә – Өфөлә «Себер» (Новосибирск), 10-ында ЦСКА (Мәскәү) менән алыш буласаҡ.
Көйәрмәндәр өсөн ҡыуаныслы хәбәрҙе еткерәбеҙ. НХЛ-да «Тампа-Бэй Лайтнинг» клубының төп ҡапҡасыһы булған Андрей Василевский Стэнли кубогын яуланы! Уларҙың командаһы финалда «Даллас Старз»ды 4:2 иҫәбенә еңде. Әйткәндәй, «Салауат Юлаев»тың элекке һөжүм итеүсеһе, яратҡан хоккейсыбыҙ Александр Радуловтың кәйефен төшөрҙөләр инде.
Белеп ҡуйығыҙ: Андрей Василевский, «Салауат Юлаев»тың тәрбиәләнеүсеһе булараҡ, клуб тарихында иң тәүге Стэнли кубогын яулаусы икән. Уға тиклем беҙҙекеләрҙән Игорь Кравчук ҡына финалда уйнаған.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж