+12 °С
Облачно
Спорт
9 Августа 2021, 10:52
Өфөлә донъя беренселеге үтәсәк
Йәш спортсылар араһында спорт көрәше буйынса донъя беренселеге башланыуға әҙ генә ваҡыт ҡалды. Сара 2021 йылдың 11 – 23 авгусында Өфөлә уҙасаҡ.
Өфөлә донъя беренселеге үтәсәк
Башҡортостанда 8 меңдән ашыу кеше спорт көрәше һәм билбаулы көрәш менән шөғөлләнә, шуға күрә ярышты уҙғарыу урыны итеп баш ҡалабыҙ һайланыуы менән хаҡлы рәүештә ғорурлана алабыҙ.
"Өфө-Арена"ла (Ленин урамы, 114) грэпплинг, ирекле көрәш, грек-рим көрәше буйынса ярыштар уҙасаҡ. 54 илдән 1 мең 500 йәш спортсы ҡатнашыуы көтөлә. Әлбиттә, коронавирус инфекцияһына ҡаршы ҡәтғи саралар үтәләсәк. "Өфө-Арена"ға инеү өсөн вакцинация үтеүең тураһында сертификат, кире ПЦР-тест һөҙөмтәһе йәки вакцина эшләргә ярамауы тураһында белешмәң булырға тейеш.
Иң беренсе грепплинг буйынса ярышасаҡтар, шунан - ирекле көрәш. Донъя беренселеген грек-рим көрәше буйынса алыштар тамамлаясаҡ. Әлегә "Өфө-арена"ла ҙур сараға әҙерлек эштәре бара.
Фото: 123.iskufa.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
