Ярыштар шашка уйынының өс төрө буйынса барҙы. Малайҙар һәм ҡыҙҙар араһында алты комплект награда уйнатылды. Өфөнән Асҡар Борханов ике алтын һәм бер көмөш миҙал алды. Ишембайҙан Милана Мостафина ике I урынға лайыҡ булды. Ишембайҙан тағы бер шашкасы Злата Парахина алтын һәм бронза миҙалдарҙы эләктерҙе. Малайҙар араһында Өфөнән Михаил Бабинцев иң-иңе булып танылды.
Стәрлетамаҡтан Рафаэль Ильясов, Ишембайҙан Камилла Дауытова, Өфөнән Сафия Танһыҡҡужина, Мораҡтан Данир Зәйнетдинов икешәр призлы урынға лайыҡ булды. Ишембайҙан йәш шашкасы Софья Степанова – көмөш миҙал эйәһе.
Ярыш һөҙөмтәләре буйынса республика йыйылма командаһы төҙөлдө. Уның составына ингән йәш шашкасылар 17 – 26 мартта Һамар өлкәһендә уҙасаҡ Рәсәй беренселегендә ҡатнашасаҡ.
Фото: "Бәйләнештә" селтәренән.