Еңеү паркында эстафета үтте

Унда белем усаҡтарынан, колледж һәм техникумдарҙан, юғары уҡыу йорттарынан, спорт клубтарынан, төрлө коллективтарҙан 8-әр кешенән торған командалар - барлығы 2 меңләгән спортсы ярышты. Дистанцияның дөйөм оҙонлоғо - 3 километр 200 метр ине.

Сараға ҡунаҡтар - спорт ветерандары, кадеттар ҙа саҡырылғайны. 

Мәктәптәр араһында Мостай Кәрим исемендәге 158-се башҡорт гимназияһы командаһы еңеүсе булды. II урында - Рәми Ғарипов исемендәге 1-се республика башҡорт интернат-гимназияһы, III урында - 93-сө лицей. Колледж һәм техникумдар араһында еңеүселәр - Өфө яғыулыҡ-энергетика колледжы спортсылары. Юғары уҡыу йорттары араһында Өфө дәүләт нефть-техник университетына етеүсе булманы. Үҫмерҙәр клубтары араһында "Диалог" һәм "Юность" командалары - беренсе. Шулай уҡ ирҙәр һәм ҡатын-ҡыҙҙар араһында ла иң-иңдәр билдәләнде: "Бөркөт" һәм БДМУ. Гастелло исемендәге клуб иһә спорт клубтары һәм ойошмалары араһында иң шәбе булып сыҡты. 

Фото:https://ufacity.