Краснодар крайы Туапсе районында урынлашҡан "Орлёнок" Бөтә Рәсәй балалар үҙәгендә үткән сарала бөтәһе 1 мең 518 уҡыусы ҡатнаша.
Башҡортостан данын төбәк этабы еңеүселәре, йәғни ҡала командалары араһында - Мәләүездәге 1-се гимназияның, ауылдыҡылар араһында Хәйбулла районы Аҡъярҙағы 1-се мәктәптең йәш спортсылары яҡлай.
Төп ярыш төрҙәре - спорт күп алышы, эстафетала йүгереү, теоретик һәм ижади конкурстар. Шулай уҡ бадминтон, баскетбол, самбо, волейбол, йөҙөү, спорт туризмы, шахмат һәм башҡа ярыштар ҡаралған. Башҡортостан командаларына еңеү теләйбеҙ.
"Президент ярыштары" "Демография" милли проектының "Спорт - йәшәү нормаһы" федераль проектына ярашлы ойошторола.
Фото: education.bashkortostan.