Подольск хоккейсыларына Степной һәм Татыр-Үҙәк ауылдары командалары менән сәкән һуғышырға тура килде. Еңел булмаған көрәш һөҙөмтәләре буйынса Татыр-Үҙәк мәктәбе еңеү яуланы. Икенсе урында – Степной ауылы уҡыусылары, өсөнсө урын хужаларға бирелде. Командалар кубоктар, миҙалдар һәм приздар менән бүләкләнде. Иң мөһиме, балалар ваҡытын саф һауала файҙалы үткәрҙе.
Шулай уҡ иң-иңдәрҙе лә атап үтәйек. “Иң яҡшы һөжүмсе” исемен Ильяс Исҡужин алһа, “Иң яҡшы ҡапҡасы” тип Валерий Праведнов табылды. Улар икеһе лә – Татыр-Үҙәктән. Подольск егете Роберт Аҡсурин – “Иң яҡшы һаҡсы”, Степнойҙан Илья Ишков “Иң яҡшы бомбардир” икән. Ҡотлайбыҙ!
Гөлназ ИБРАҺИМОВА.
Хәйбулла районы.