Рәсәй уҡыусыларының XII Ҡышҡы спартакиадаһы финалында Зарина саңғыла 5 километрға шәхси уҙышта беренсе булды, ә 10 километрға масс-стартта икенсе урын алды. Ҡыҙғанысҡа ҡаршы, ҡатнашыусыларға һауа торошо менән бәхет йылмайманы: саңғы-биатлон комплексына ҡуйы томан төштө. Шулай ҙа Заринабыҙ үҙен лайыҡлы күрһәтә алды. Ул Ханты-Мансиҙан Ульяна Лебедеваны – 9, Карелиянан Анна Корякованы 18 секундҡа артта ҡалдырҙы.
Әйткәндәй, Зарина Ҡотломбаева 2021 йылда “Йәншишмә” гәзите призына үткән саңғы ярышында шәхси беренселектә еңеүсе булғайны.