Донъя чемпионатында еңеү

Чемпионатта донъяның 30 иленән төрлө йәштәге 1 мең 300 спортсы ҡатнаша. Башҡортостандың йыйылма командаһы ағзалары үҙҙәренең оҫталығы менән күптәрҙе хайран ҡалдырған һәм миҙалдарға лайыҡ булған. 

Өфөнән Алһыу Ғәлиева – I, Гаджи Гусейнов – II, Ильяс Алмакаев, Даниил Матвеев III урын алған. Шулай уҡ Стәрлетамаҡтан Денис Мырҙаҡаев бронза миҙал яулаған. Алһыу ике алтын миҙалға лайыҡ булған.

Башҡортостандың Грэпплинг федерация белдереүенсә, Астаналағы ярыш төбәк командаларының да донъя кимәлендә уңышлы сығыш яһай алыуын иҫбатланы. Яҡташтарыбыҙҙың яҡшы һөҙөмтәләре Башҡортостандың Рәсәй грэпплингында ныҡлы алдынғы урын биләүен күрһәтте.

Ә Бөрйән ҡыҙҙарының еңеүе айырыуса шатлыҡлы. Барыһы ла спортсыларҙың ныҡышмалылығынан һәм, әлбиттә, тренерҙары оҫталығынан торалыр. Әйткәндәй, миҙал яулаған йәш спортсыларҙың остаздары – Нур Усманов, Ислам Иҙрисов, Аделина Мырҙабаева, Ринат Алмакаев, Арсен Зинәтуллинды ла донъя кимәлендәге ҙур еңеүҙәре менән ҡотлайбыҙ!

Фото:vk.com.