Фехтование үҙәге РСФСР һәм СССР-ҙың атҡаҙанған тренеры Рәмил Әйүпов исемен йөрөтәсәк. Заманса спорт үҙәгендә юғары кимәлдәге ярыштарҙы үткәреү мөмкин буласаҡ.
Унда үтәсәк тәүге ярыш - йәш спортсылар араһында ойошторолған "Салауат ҡылысы" халыҡ-ара ярышына ла мәртәбәле ҡунаҡтар старт бирҙе.
Вице-Премьер билдәләүенсә, Рәсәйҙең бөйөк спортсыларының еңеүҙәренән илһам алған балалар Фехтование үҙәгенә шөғөлләнергә күпләп килер һәм илебеҙҙең спорт күгендә балҡыр.
Башҡортостан үҙенең бар донъяға танылған спортсылары Аделина Заһиҙуллина, Тимур Сафин, Артур Әхмәтхужин, Әнүәр Ибраһимов, Руслан Нәсибуллин, Реналь Ғәниев менән ғорурлана.
Фото: vk.com.