-28 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Светофор
16 Ғинуар 2019, 16:53

Кем генә юҡ руль артында?!

Өфө ҡалаһында «Йәйәүле» профилактик операцияһы үтә. Сара водителдәрҙең дә, йәйәүлеләрҙең дә юл хәрәкәте ҡағиҙәләрен боҙоуын иҫкәртеү һәм булдырмауға йүнәлтелгән.

2018 йылда баш ҡалала 666 кеше тәгәрмәс аҫтында ҡалған, шуларҙың 40-ы һәләк булған, 661-е төрлө тән йәрәхәттәре алған. 251 юл-транспорт фажиғәһендә водителдәр ғәйепле: 32 ғүмер өҙөлгән. Аварияларҙың 60 проценты тәүлектең ҡараңғы ваҡытына тура килә. Шуға ла яҡтылыҡты кире ҡайтарыусы элементтарҙы ҡулланырға кәрәк.
Уҡыусыларға көн дә мәктәпкә барғанда юл аша сығырға тура килә. Һаҡ булһағыҙ ине, һаулығығыҙҙы, ғүмерегеҙҙе хәүеф аҫтына ҡуйып, сфетофор йәки зебра булмаған урындан юл аша йүгермәгеҙ! Тейешле урындан сыҡҡанда ла иғтибарлы булығыҙ, машина килмәүенә инанғас ҡына оло юлға аяҡ баҫығыҙ. Сөнки хәҙерге заманда кем генә руль артына ултырмай: йәйәүлеләр өсөн янған йәшел утҡа ла йән-фарман үтеп китәләр. Юлдарҙа бәлә-ҡазаһыҙ йөрөйөк.
Читайте нас в