+9 °С
Болотло
TelegramVKOK
Бөтә яңылыҡтар
Светофор
10 Ноябрь 2022, 10:10

Ҡотлайбыҙ, баймаҡтар!

Өфө ҡалаһында “Бала саҡтың хәүефһеҙ юлы” тигән шаяндар һәм отҡорҙар уйынының финалы үтте. Юл-транспорт фажиғәләрендә балаларҙың йәрәхәт алыуын иҫкәртеүгә йүнәлтелгән сараны Юл хәрәкәте хәүефһеҙлеге дәүләт инспекцияһы идаралығы менән Башҡортостан Республикаһының Мәғариф һәм фән министрлығы ойошторҙо.

Юл йөрөү ҡағиҙәләрен “Иң яҡшы белеүсе” исемен яулау өсөн республиканың төрлө район-ҡалаларынан 12 команда көс һынашты. Баймаҡ районының данын  Баймаҡ лицей-интернатының “Йылмайлик” командаһы яҡланы. Улар лайыҡлы сығыш яһап,  команда беренсе биш иң яҡшылар составына инеп, “Иң үткер шаяртыу” номинацияһына лайыҡ булды.
 – Беҙҙең команданың капитаны Амур Әхмәтов был конкурстың иң юғары баһаһы – “Иң яҡшы капитан” номинацияһы еңеүсеһе булды.
 Уйын бик күңелле үтте. Беҙҙең сығыштарыбыҙҙан тамашасыларға музыкаль өй эше айырыуса оҡшаны. Ә программала иң тулҡынландырғыс һәм иҫтә ҡалған өлөшө капитандар ярышында рэп башҡарыу булғандыр, – тип тәьҫораттары менән уртаҡлаша еңеп ҡайтҡан  команданың ағзалары. 

Республикабыҙҙың төрлө яҡтарынан килгән ҡатнашыусылар барыһы ла етди әҙерлекле ине. Шул уҡ ваҡытта  көслө командалар менән ярышыуы ла ҡыҙыҡлы ине. Барыһына ла сығышыбыҙ оҡшаны, зал гөрләп торҙо. Беҙҙе ошондай ҙур күләмле сараға әҙерләгән Баймаҡ интернат-лицейҙың тәрбиә эштәре буйынса директор урынбаҫары Рәсимә Килдейәр ҡыҙына, тәрбиәсебеҙ, вожатыйыбыҙ Гөлфинә Ғәфүр ҡыҙына, Илшат Рауил улына, беҙгә ышанған һәм ярышҡа оҙатҡан директорыбыҙ Иҙел Данил улына һәм Баймаҡ районының мәғариф бүлегенә иң ҙур рәхмәттәребеҙҙе белдерәбеҙ!
КВН уйынсылары Өфө ҡалаһының аквапаркына 4 сәғәтлек билет, портатив колонка, тәмле приз, Юл хәрәкәте хәүефһеҙлеге дәүләт инспекцияһы идаралығы һәм мәғариф һәм фән министрлығының Маҡтау грамоталары менән бүләкләнде.

Афариндар! Беҙ ҙә ҡотлауҙарға ҡушылабыҙ. Тағы ла еңеүҙәр теләйбеҙ!

 

Сығанаҡ һәм фото:   vk.com

Ҡотлайбыҙ, баймаҡтар!
Ҡотлайбыҙ, баймаҡтар!
Ҡотлайбыҙ, баймаҡтар!
Ҡотлайбыҙ, баймаҡтар!
Ҡотлайбыҙ, баймаҡтар!
Ҡотлайбыҙ, баймаҡтар!
Ҡотлайбыҙ, баймаҡтар!
Автор:Зөһрә Хәкимова
Читайте нас: