Бөтә яңылыҡтар
Тәбиғәт мөйөшө
4 Май 2019, 06:14

Һынамыштар, юрамыштар

– Айҙың башы йылы, матур килһә, икенсе яртыһы һалҡын булыр.– Май айында ямғырҙар күп яуһа, сентябрь ҡоро килер.– Беренсе торналар күренгәс, борсаҡ сәсергә ваҡыт.

– Май айында ҡуңыҙҙар күп күренһә, ҡоролоҡ көт.

– Был айҙың егерме берендә ямғыр яуһа, көҙ ямғырлы булыр.

– Майҙа ямғыр күп булһа, арыш уңыр.

– Иртә күк күкрәһә, йыл ямғырлы булыр.

– Муйыл сәскә атһа, көн һалҡынайыуын көт.

– Май айы һалҡын булһа, игенгә – туҡлыҡ, себенгә юҡлыҡ булыр.

– Ҡайын һыуы күп булһа, ямғырлы йәй килер.

– Ҡуҙғалаҡ күп булһа, киләһе йылдың ҡышы йылы килер.
Читайте нас в