+12 °С
Ямғыр
Бөтә яңылыҡтар
Тәбиғәт мөйөшө
5 Июль 2019, 13:18
Ҡурсаулы утрауҙар дуҫтары
Йәш быуынды тәбиғәткә ҡарата һаҡсыл ҡарашта тәрбиәләү – яҡты киләсәккә ҙур аҙым. «Асылыкүл» тәбиғәт паркында ойошторолған «Ҡурсаулы утрауҙар дуҫтары» XIV республика слёт-конкурсы ошо идеяға таянып үтте.
Был бәйгелә Башҡортостандың төрлө төбәктәренән 18 команда ҡатнашты. Улар араһында республиканың барлыҡ махсус һаҡланыусы тәбиғәт биләмәләре вәкилдәре һәм I турҙы үткән командалар бар ине. Ә Көньяҡ Урал дәүләт тәбиғәт ҡурсаулығының данын Инйәр ҡасабаһының 1-се мәктәбенең «Экопатруль» командаһы яҡланы.
Слёт-конкурс барлығы 5 этаптан торҙо. Тәүҙә барлыҡ командалар үҙҙәренең тәбиғәт биләмәләре менән таныштырһа, «Экотеатр» бәйгеһе барышында сәхнә йәш таланттарҙың сығыштарынан гөрләп торҙо. Экопроекттар ярышында Көньяҡ Урал ҡурсаулығының дуҫтары Ҡыҙыл китапҡа индерелгән әшәлсә (ятрышник) үҫемлеге тураһында ғилми-тикшеренеү эшен яҡланы һәм III урын яуланы. Шулай уҡ балалар «Ҡурсаулы ил» һәм «Робинзонада» конкурстарында үҙҙәренең көсөн һынап ҡараны.
Йола буйынса, слёт үткән тәбиғәт биләмәһендә экологик өмәләр ойошторола. Был юлы ла Асылыкүлдең көньяҡ яры сүп-сарҙан таҙартылды.
Башҡа сараларға ла бай булды слёт. Экскурсия ваҡытында барлыҡ командалар Ташлытауға күтәрелеп, Асылыкүл менән һоҡланды. Шулай уҡ ҡатнашыусылар алдында Өфөнән джаз төркөмө сығыш яһаны, һәр кис усаҡ янында гитараға ҡушылып, йырҙар йырлап ултырыу ҙа оноторлоҡ түгел.
Слёт тамам, уның барышында барыһы ла үҙҙәренең көсөн һынаны, белемдәр тупланы һәм яңы дуҫтар тапты. Ике йылдан һуң был байрам үҙенең дуҫтарын киләһе «Ҡурсаулы утрау»ҙа ҡаршылаясаҡ.
КӨНЬЯҠ УРАЛ ҠУРСАУЛЫҒЫНЫҢ МАТБУҒАТ ХЕҘМӘТЕ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж