+12 °С
Ямғыр
Бөтә яңылыҡтар
Тәбиғәт мөйөшө
3 Ғинуар 2020, 13:21
Шыршыларҙы ташламағыҙ!
Яңы йылды шыршыһыҙ күҙ алдына ла килтереп булмай. Ул урамдарҙы, төрлө учреждениеларҙы, йорттарҙы биҙәй. Ни хәл итәһең, күптәр яһалма шыршыларға ҡарағанда яңы киҫелгән урман ҡупшыҡайҙарын хуп күрә.
Ысынлап та, ылыҫ еҫе аңҡып торған ысын ағасҡа етмәй шул. Тик бына шыршылар барыбер йәл. Күпме ағас киҫелә?! Ә байрам үткәс, уларҙы урамға сығарып ташлайҙар. Сүп-сар булып ята.
2016 йылдан ғинуарҙа Мәскәү һәм Санкт-Петербург ҡалаларында шыршыларҙы утилләштереү буйынса экологик акция ойошторола. Ҡупшыҡайҙарҙы икенсе сеймал итеп файҙаланалар. Өфөлә лә 2019 йыл башында шундай сара үткәйне. 2020 йылда ла ойоштороласаҡ. Ул 11 – 12 һәм 18 – 19 ғинуарға планлаштырылған. Шыршыларҙы йыйыу майҙансыҡтары билдәләнгән. Алдан иғлан ителгән маршрут буйынса йөк машинаһы ла йөрөүе көтөлә.
Халыҡ был акцияға әүҙем ҡушылһын ине. Юғиһә, былтыр 70 мең шыршы һатып алынған, шуларҙың 1 меңен генә эшкәртеү өсөн тапшырғандар.
Әйткәндәй, сит илдәрҙә был ағастарҙы утилләштереү күптән яйға һалынған. Тирә-яҡты бысратмау өсөн төрлө ысулдар уйлап тапҡандар. Мәҫәлән, Америка Ҡушма Штаттарында эшкәртеү үҙәгенә тапшыралар. Киҫелгән ылыҫлы ағастарҙан ҡағыҙ эшләйҙәр һәм бесәй бәҙрәфенә һалыр өсөн ваҡлап эшкәртәләр. Швецияла ташландыҡ шыршыларҙы яғып, өйҙәрҙе йылыталар. Скандинавия илдәрендә уларҙы мебель фабрикаларында файҙаланалар. Австрияла – яғыу өсөн брикеттар, Германияла май киҫеү өсөн ағас бысаҡтар яһайҙар.
Был шыршыларҙы фермаларға, вольерҙарға алып барып тапшырырға ла була. Ағастарҙы сүп-сар бактары янына ташламай, шулай икенсе ҡулланылыш тапһаҡ, ҡалай һәйбәт булыр ине.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж