+12 °С
Ямғыр
Бөтә яңылыҡтар
Тәбиғәт мөйөшө
19 Июнь 2020, 10:58
Дөр-дөр сәскә «Ҡыҙыл китап»ҡа ингән
Мин һеҙгә Башҡортостандың «Ҡыҙыл китабы»на индерелгән дөр-дөр сәскә, йәғни ҡырағай пион тураһында һөйләргә теләйем. Һаҡлауға мохтаж был ғәжәйеп үҫемлек минең тыуған ауылымдың текә Ҡырташ ҡаяһында үҫә.
Билдәле булыуынса, пион сәскәһенең төрҙәре субтропиктарҙа, Евразия, Төньяҡ Американың ҡайһы бер урындарында таралған. Ҡояш йылылығын һәм яҡтылыҡты яратҡан үҫемлек ул. Шуғалыр ҙа ауылымдың иң бейек тауҙарының береһе булған Ҡырташта күпләп үҫәләрҙер. Сөнки ул ерҙә асыҡ ялан, ҡояш та күберәк төшә.
Пиондарҙы декоратив сәскә булараҡ беҙҙең эраға тиклем 200 йыл элек үрсетә башлағандар. Әлеге көндә 36 төрө билдәле, ә ҡайһы берҙәрен хатта дарыу итеп тә ҡулланалар икән. Беҙҙең баҡсала инде был сәскә өсөнсө йыл йәм өҫтәп ултыра.
Яҙ етеп, пиондар сәскә атһа, туғандарым менән күккә ашҡан Ҡырташҡа менмәй ҡалмайбыҙ. Күңелле лә, иҫтәлекле лә булып хәтерҙә һаҡлана был көн. Иң бейеккә күтәрелгәс, изге теләктәр теләйбеҙ, фотоға төшәбеҙ, иҫ киткес матур тәбиғәтебеҙ менән һоҡланабыҙ. Ғәжәйеп сәскәнең атҡан мәлендә Ҡырташ тауына барыу ауылыбыҙҙа быуын-быуындан килгән йола кеүек һаҡлана.
Заһиҙә МОРАТШИНА.
Бөрйән районы, Мораҙым ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж