-17 °С
Болотло
TelegramТестарVKOK
Бөтә яңылыҡтар
Тәбиғәт мөйөшө
4 Сентябрь 2020, 12:45

«Рәсәйҙең йыл ағасы»н һайларға ярҙам итәйек

Йыл ағасын һайлау https://rosdrevo.ru/ «Ағастар – тере тәбиғәт һәйкәлдәре» Бөтә Рәсәй программаһы сайтында 1 октябргә тиклем бара. Уны «Сәләмәт урман» коммерция булмаған партнёрлыҡ стратегик альянсы ойоштора. Бында тауыш биреү өсөн 12 уникаль тарихи ағас һайлап алынған.

«Рәсәй йыл ағасы» бәйгеһе йылдан-йыл популярлыҡ яулап, 2011 йылдан башлап үткәрелгән «Европаның йыл ағасы» халыҡ-ара конкурсының һайлап алыу этабы булып тора. 2018 йылда беҙҙең ил тәүге тапҡыр ҡатнашып, Белгород өлкәһенән имән III урын яулай. Уҙған йыл Абрамцев музей-йортонан имән икенсе урынға сыға. Быйылғы халыҡ-ара бәйгелә Ҡалмыҡ Республикаһынан тирәк бронза призёры була.

Икенсе йыл Европа ярыштарында ниндәй ағас беҙҙең илде күрһәтер? Уныһы инде үҙебеҙҙән тора. Шуға күңелегеҙгә оҡшаған ағасҡа та­уыш биреүҙән ситтә ҡалмағыҙ. «Рәсәйҙең йыл ағасы» еңеүсеһе 10 октябрҙә иғлан ителәсәк. Ул 2021 йылда «Европаның йыл ағасы» халыҡ-ара ярышында Рәсәй исеменән ҡатнашасаҡ.
Читайте нас в