Эш бөткәс, 15-се музыка мәктәбе уҡыусылары музыкаль күстәнәс бүләк итте. Бигерәк тә Айнур Әхмәт улы Искәндәровтың уҡыусыһы Булат Мишәров – баянда, Наталья Александровна Кудрявцеваның уҡыусыһы Гүзәл Ғирфанова фортепьянола уйнап, һәр кемде һоҡландырҙы. Был саранан барыһы ла ҡәнәғәт ҡалды.
Айгөл ЙӘҺҮҘИНА, китапханасы.
Уҡыусылар ике командаға бүленгәс, уларға маршрут биттәре тапшырылды. Һәр бер этаптың йөкләмәләрен үтәй барған һайын командаларға текст өлөштәре бирелеп барҙы. Эштәр тарих, әҙәбиәт, тыуған яҡты өйрәнеү, биология буйынса булды. Ә уйындың аҙағында тексты йыйып, тасуири уҡып күрһәттеләр.
Китап уҡыусылар тыуған еребеҙҙең тарихы, мәҙәни мираҫы һәм тәбиғәте ни тиклем бай икәненә тағы ла бер тапҡыр инанды. Уларҙы һаҡларға һәм өйрәнергә кәрәклеген дә аңланы балалар.
Любовь ОСНАЧ, китапхана мөдире.