+20 °С
Ясна
TelegramVKOK
Бөтә яңылыҡтар
Тәбиғәт мөйөшө
6 Ноябрь 2020, 14:37

Ун бер тоҡ сүп-сар йыйған!

Малайҙар, ҡыҙҙар араһында ла тирә-яҡ мөхитебеҙгә битараф булмағандар барлығы ҡыуандыра. Баймаҡтан 13 йәшлек Илмир Моратовты ғына алайыҡ.

Бер кем ҡушмаһа ла, үҙ теләге менән Ирәндек тауы итәген йыйыштыра. Республика көнөндә генә малай 11 тоҡ сүп-сар йыйып түккән. Афарин да инде! Шулай ул үҙенең тиҫтерҙәренә һәйбәт өлгө күрһәткән.

Әсәһе Рәмилә Фәйзерахман ҡыҙы әйтеүенсә, улдары бәләкәйҙән тәбиғәттең таҙалығын ҡайғыртыусан булып үҫә, кескәй сағынан Сыңғыҙ ауылында олатаһы, өләсәһе менән бергә экологик өмәләргә сығыр­ға ярата. Ә инде үҫеп еткәс, бер кемдең әйтеүен көтөп тормайынса, йорт алдарын, урамды таҙарта башлай.

Быйыл Илмир үҙенең эте менән Ирәндек тауына бар­ғанда сүп-сар өйөлөп ятыуын күреп ҡала ла күп уйлап тормай, тоҡ алып килеп, йыя башлай. Кешеләр ҡалдырған ҡый шул хәтлем күп булып сыға, уға уҡыуҙан бушаған арала тағы ла бер нисә тап­ҡыр килергә тура килә. Ата-әсәһе лә улдарының нимә менән шөғөлләнгәнен белеп ҡалғас, хуплап, махсус ҙур тоҡтар алып бирәләр.
Читайте нас: