Бөтә яңылыҡтар
Тәбиғәт мөйөшө
8 Ғинуар 2021, 02:40

Һынамыштар

* Ғинуарҙа һыуыҡ булһа, июль ямғырһыҙ һәм эҫе килер. * Әгәр ҡар күп яуһа, бурандар уйнап торһа, июль ямғырлы булырын көт.

* Боҙбармаҡтар күп булһа, уңыш та мул булыр.

* Урман шаулаһа, һыуыҡтар оҙаҡ торор. Ай тоноҡланып торһа, икенсе көн ҡар яуыр.

* Торбанан сыҡҡан төтөн ергә йәйелһә – ҡар яуыуға. Көн аяҙ, матур торһа, төнөн ныҡ һыуытыр.

* Тумыртҡаның ғинуарҙа туҡылдауы – иртә яҙға.

* Ҡышҡы ҡояш үгәй әсә менән бер – яҡтырта, әммә йылы бирмәй.

* Яңы йыл етеү менән бер аяғың яҙға ба­ҫыр.

* Ғинуарҙа ҡарҙың күп булыуы – ямғырлы йәйгә.

* Был айҙа ҡар ни тиклем күберәк яуһа, көҙөн икмәк мул булыр.

* Ғинуарҙа ай тыуыуы – һауа торошоноң үҙгәреүенә.
Читайте нас в