+12 °С
Ямғыр
Бөтә яңылыҡтар
Тәбиғәт мөйөшө
26 Февраль 2021, 14:36
Тағараҡтар яһаныҡ
«Ләйсән» балалар баҡсаһының «Йәйғор» мәктәпкә әҙерлек төркөмө тәрбиәләнеүселәре ата-әсәләре менән бергә йыл да ҡоштарға тағараҡтар яһай. Быйыл да был эштән ситтә ҡалманылар.
Кемеһелер – балалар баҡсаһына, берәүҙәре үҙҙәренең баҡсаһындағы ағасҡа элеп, ҡоштарҙы яҡындан күҙәтергә булды. Балаларҙың ҡанатлы дуҫтарыбыҙға емдәр һалғанда нисек шатланғанын күрһәгеҙ! Кескәйҙәр беҙҙең яҡтарҙа ниндәй ҡоштар ҡышлауын, уларҙың ниндәй һыйҙы яратыуҙарын да яҡшы белә.
– Ҡыш – беҙҙең яҡта ҡалған ҡоштар өсөн бик ауыр миҙгел. Уларҙың күбеһе һыуыҡтан түгел, аслыҡтан үлә. Ҡанатлы дуҫтарыбыҙҙы һаҡлап алып ҡалыр өсөн беҙҙең балалар йыл һайын «Тағараҡ» экологик акцияһында ҡатнашып килә. Уның барышында «Иң матур», «Иң уңайлы», «Иң шәп» ҡоштар ашханаһын әҙерләү буйынса көс һынашалар. Хәстәрлекле, ҡайғыртыусан, иғтибарлы балаларыбыҙ булғанда киләсәгебеҙ ҙә өмөтлө! – ти беҙҙең балалар баҡсаһының логопеды Гөлсинә Аҡъюлова.
Алмас Аллабирҙин, Әлфинә Аҙнабаева, Эльвина Садиҡова, Рәзилә Татлыбаева, Эмиль Байтурин, Мораҙым Арыҫланбаев, Ярослав Козлов, Данила Ғәлиев, Ислам Юлдыбаевтар атай, ағайҙары, олатайҙары менән бергәләп тағараҡтар эшләп ҡуйҙы.
– Ағайым, һылыуым менән ҡоштарға бүләк әҙерләнек. Уларҙың һалған емдәрҙе рәхәтләнеп ашағандарын һаҡ ҡына күҙәтәбеҙ. Беҙгә атайым менән әсәйем дә ҡушыла, – ти Рамина Искәнйәрова.
Эйе, беҙҙең балалар ҡоштар өсөн ниндәй генә тағараҡтар эшләмәгән! Уларҙың фантазияһы шул тиклем бай булып сыҡты. Баҡсабыҙ янынан үткән кешеләр был тағараҡтарға һоҡланып ҡарай. Ҡанатлы дуҫтарыбыҙ ярҙамға мохтаж булғанда ситтә ҡалырға ярамай икәнен кескәйҙәр ҙә яҡшы аңлай беҙҙә.
Гөлназ НАЗАРОВА, «Йәйғор» төркөмө тәрбиәсеһе.
Ейәнсура районы, Иҫәнғол ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж