А витамины һаны буйынса миләш кишерҙән ҡалышмай. Көн һайын бер аш ҡалағы миләште (ҡайнатмаһын да ярай) йогурт, ҡатыҡҡа ҡушып ашай алаһығыҙ. Сөнки бета-каротин һөт майҙары менән яҡшыраҡ үҙләштерелә. Күҙ күреме өсөн айырыуса яҡшы.
Миләштә нерв системаһын нығытырға ярҙам итеүсе, стрестарҙан һаҡлаусы, йоҡоно яҡшыртыусы В төркөмө витаминдары бар. Миләш ҡандың ойоусанлығын яҡшыртыусы К витаминына бай. Тромбоз ҡурҡынысы булғанда уны ашамағыҙ.
Әселеге бөтһөн, тиһәгеҙ, миләште беренсе ҡырау төшкәндән һуң йыйырға кәрәк. Бындай емеште шунда уҡ эшкәртергә кәрәк. Алдан йыйған миләште бер-нисә тәүлек туңдырғыста тотоп, тәмләндерергә була.
Сығанаҡ: vk.com
Фото: sad365.com