Өфө ҡала хакимиәтенең матбуғат хеҙмәте хәбәр итеүенсә, быйыл да ял көндәрендә - 21, 22, 28, 29 ғинуарҙа ҡаланың төрлө райондарында 12 майҙанда шыршыларҙы эшкәртеү өсөн тапшырырға мөмкин буласаҡ. Ленин районы буйлап "Шыршымобиль" йөрөп, шыршы, ҡарағайҙарҙы йыйып аласаҡ. Шунда уҡ уйындар, викториналар үткәреләсәк.
21 ғинуарҙа 12.00-нән 16.00 сәғәткә тиклем бөтә майҙансыҡтарҙа ла шыршы тапшырған өсөн мандарин таратыласаҡ. Йәшел һылыуҡайҙар эшкәртелеп, артабан төҙөлөш материалдары, ишек, төрлө йорт йыһаздары эшләү өсөн файҙаланыласаҡ.
Фото: ufacity.info.