Беҙ ҙә аҙна һайын шаршамбы һәм йома көндәре өмәгә сығабыҙ. Үҙебеҙ уҡыған белем усағыбыҙ эргәһендә өмә ойоштороп, тирә-яғыбыҙҙы сүп-сарҙан таҙарттыҡ. Мәктәбебеҙҙең ишек алды таҙарып, тағы ла балҡып китте. Был саранан бер уҡыусы ла ситтә ҡалманы, ҡулынан килгәнсе тырышып-тырмашып эшләне.
Шулай уҡ бәләкәй дуҫтарыбыҙҙы ла онотманыҡ. Балалар баҡсаһына барып, сәскәләр өсөн түтәлдәр яһаныҡ. Һәр кем үҙ өлөшөн индереп, ҡыуанышып таралыштыҡ. Бына шулай тирә-яғыбыҙҙы һәр ваҡыт таҙа тотоу - беҙҙең бурыс икәнен бик яҡшы беләбеҙ.
Нурия Әхмәҙиева.
Хәйбулла районы, Татырүҙәк мәктәбе.