Тирә-яҡ ҡарҙан әрселгәс, Ер-әсә яңы һулыш алып, яңы тормош башлай. Йылғаларҙа боҙҙар китә, урам, ялан-ҡырҙар буйлап йырғанаҡтар йүгерә. Яҙҙың тәүге сәскәһе булған умырзаяларҙың баш ҡалҡытыуын, ағастарҙа бөрөләр тулышыуын күҙәтеү, йылы яҡтан ҡайтҡан ҡанатлы дуҫтарыбыҙҙың моңло итеп һайрауҙарын тыңлау күңелгә әйтеп, аңлатып бирә алмаҫлыҡ кинәнес өҫтәй. Ә инде тирә-яҡты һап-һары бәпембәләр ҡаплап алһа, йәй етергә лә күп ҡалманы тигән һүҙ. Ҡояшҡай ҙа ҡыуанғандай, йылы нурҙарын күберәк тарата.
Их, шул тиклем яратам мин был миҙгелде!
Розалина МИРХӘЙҘӘРОВА, III «Ж» синыфы уҡыусыһы.
Өфө ҡалаһы, 18-се мәктәп.
Фото: pomnim.com