Был йән эйәләре беҙгә Белорет районының Абҙаҡ ауылынан килтерелде. Уларҙы «Яш-Тан» ҡунаҡханаһы етәкселеге бүләк итте. Ташбаҡаларҙы алып ҡайтыуҙы ауылдашыбыҙ Нажиә апай хәстәрләне.
Тәнәфестә уларҙы ҡыҙыҡһынып күҙәтәбеҙ, йәшәйештәрен өйрәнәбеҙ. Рәсем түңәрәгендә үҙҙәрен һүрәткә төшөрҙөк. Киләсәктә был мөйөштө балыҡ, тутыйғош, гөл-сәскә менән тулыландырырға уйлайбыҙ. Беҙ тәбиғәткә һаҡсыл ҡарарға тейеш.
«Тылсымлы бумала» түңәрәгендә шөғөлләнеүсе уҡыусылар.
Бөрйән районы, Әбделмәмбәт мәктәбе.