– Айырыуса тәбиғәтте төшөрөргә яратам. Ғүмер буйы Нижневартовск ҡалаһында йәшәп, хаҡлы ялға сыҡҡас тыуған яғыбыҙға ҡайттым. Үҙебеҙҙең Башҡортостан тәбиғәтенең матурлығына, байлығына бер ни етмәй! Һәр бер нәмәне кадрға эләктерергә тырышам. Башҡалар еләк йыя, ә мин күбәләк баҫтырам, – тип йылмая Мәүлиха Фәхрислам ҡыҙы.
Әле Мәүлиха ханым Өфөлә балалары эргәһендә йәшәй. Тирә-йүндәге матурлыҡты күрә һәм башҡаларға еткерә белеүсе дуҫыбыҙҙың шәхси күргәҙмәһе лә асылыр әле, бәлки?!