+21 °С
Облачно
Тәбиғәт мөйөшө
12 Сентября , 06:10
Афарин, беренселәр!
Фотолағы был ҡыҙҙар һәм малайҙар - Әбйәлил районы Ташбулат мәктәбенең I синыф уҡыусылары. Әле яңы ғына мәктәп тупһаһына тәүләп аяҡ баҫҡан кескәйҙәр бәләкәй булыуҙарына ҡарамаҫтан, уҡытыусылары Миңзәлә Әхмәт ҡыҙы Абдуллина менән бергә "Рәсәй һыуы" Бөтә Рәсәй экологик акцияһына ихлас ҡушылған.
Афарин, беренселәр!
Күмәкләшеп Ташбулат ауылындағы Ҡарабалыҡты күлен сүп-сарҙан таҙартып, ҙур эш башҡарған улар.
-Тәбиғәтте һаҡлау, таҙартыу һәр беребеҙҙең изге бурысы. Шуға ла өмә үткәрергә ҡарар иттек. Уҡыусыларым ҙур теләк менән эшкә тотондо. Дәррәү булғас, "Һә" тигәнсе башҡарып сыҡтыҡ. Күл буйы таҙарып, тирә-яҡ йәмләнеп ҡалды. Беренселәрҙән булып башлаған эшебеҙҙе, моғайын, дауам итеүселәр күп булыр, - ти уҡытыусылары Миңзәлә Әхмәт ҡыҙы.
Афарин, беренселәр! Һәр ваҡыт беренсе булығыҙ! Тырышып уҡығыҙ, изге эштәр генә ҡылығыҙ!
Сығанаҡ һәм фото: vk.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
