Бөтә яңылыҡтар
Төнгө урам
27 Февраль 2020, 23:05

Газлы ҡабыҙғыстарҙы ла тыйырға кәрәк

Рәсәй Тәфтиш комитетының Башҡортостан буйынса Тәфтиш идаралығы етәксеһе Денис Чернятьев газлы ҡабыҙғыс һәм баллондарҙы ла һатыуҙы тыйырға тәҡдим итте. Сөнки һуңғы ваҡытта уларҙан ағыуланыусы үҫмерҙәр күбәйгән.

2019 йылда шундай 16 осраҡ теркәлгән, 6-һы үлем менән тамамланған. Денис Чернятьев фекеренсә, үҫмерҙәр араһында токсикоманияның был төрө таралыуына газлы ҡабыҙғыс һәм баллондарҙың иркен һатылыуы ла сәбәп булып тора. Депутаттарға был әйберҙәрҙе 18 йәше тулмағандарға һатыуҙы тыйыу тураһында мәсьәләне ҡарарға кәрәктер. Шулай уҡ сауҙа итеүселәр балиғ булмағандарға һатҡан өсөн яуап бирергә тейеш.
Читайте нас в