-27 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Төнгө урам
11 Апрель 2020, 00:51

Урамда йөрөһәң, 15 мең штраф!

Бығаса ҡороновирус айҡанлы үҙизоляция режимын боҙоусылар менән күберәк аңлатыу эштәре алып барылһа, 10 апрелдән бер кемде лә йәлләп тормай, штраф һала башлайҙар.

"Үҙизоляция режимын боҙоусылар бөтәһе лә административ яуаплылыҡҡа тарттырыласаҡ. Был турала һәр кем белеп торһон һәм аҙаҡтан үҙ бурыстарын үтәгән хеҙмәткәрҙәргә үпкәләмәһен ине. Ҡурҡытырға тырышыу түгел был, ә объектив кәрәкле сара. Үҙизоляция режимы һәр кемгә ҡағыла", - тине бөгөнгө коронавирусҡа арналған брифингта Башҡортостан Республикаһы Йәмәғәт хәүефһеҙлегенең ведомство-ара советы секретаре Алексей Касьянов.
Өфө ҡалаһы мәғариф идаралығы етәксеһе Елена Хаффазова белдереүенсә, көндөҙгө 13 cәғәткә тиклем һәм киске 18 сәғәттән һуң йәмәғәт урындарында осраған бала өсөн ата-әсәһенә 15 мең штраф һалынасаҡ. Режимды боҙоу тағы ҡабатланһа, күберәк түләргә тура киләсәк.
Ҡотолғоһоҙ афәт - коронавирус инфекцияһының Рәсәйҙә иң аҙған ваҡыты етә. Өфөлә лә хәлдәрҙең ниндәй икәнен белеп торабыҙ. Әле иң яҡшыһы - үҙизоляция режимын боҙмай ғына өйҙә ҡалыу. Өйҙә яҡшыраҡ.
Читайте нас в