+21 °С
Ясна
TelegramVKOK
Бөтә яңылыҡтар
Төнгө урам
28 Май 2021, 13:16

Балаларға һатҡан өсөн штраф!

- Урынына ҡуйығыҙ, үҫмерҙәргә энергетик эсемлек һатыу тыйылған! - тине бер аҙыҡ-түлек магазинында һатыусы. Ҡараһам, ике ҡыҙ энергетиктар тотоп алған. Уларға банкыларҙы кире урынына ҡуйырға тура килде. Ошондай ҡанундарҙы теүәл үтәгән һатыусылар күберәк булһын ине. Әле Башҡортостанда депутаттар балиғ булмағандарға газ тоҡандырғыстарҙы һатҡан өсөн дә штраф күләмен билдәләгән.

Балиғ булмағандарға шыйыҡ газ тултырылған тоҡандырғыстарҙы һатыуҙы тыйыу тураһында ҡанун сығарылғаны тураһында яҙғайныҡ инде. Ә штраф күпме буласаҡ һуң? Граждандарға – 3-4 мең, юғары вазифа биләгәндәргә – 20-25 мең, юридик шәхестәргә – 30-40 мең һум.
Тәүге ҡарамаҡҡа ябай ғына күренгән газ тоҡандырғыстарҙың балаларға зыяны барҙыр, тип, бәлки, кемдер уйлап та бирмәйҙер. Үҫмерҙәр уны һуңғы йылдарҙа токсикоманияның бер төрөнә әйләндергән бит.
Фото: stolica-s.su
Читайте нас: