-4 °С
Болотло
Бөтә яңылыҡтар
Тәрбиә мәктәбе
16 Апрель 2020, 11:25
Кәрәкмәгән йөк
Бер кеше аҡыл эйәһенә килгән дә унан кәңәш һораған:– Һеҙ бер ваҡытта ла асыуланмайһығыҙ, яҡшы кәйефтә йөрөйһөгөҙ. Миңә лә шулай булырға өйрәтегеҙ әле.
Ҡарт ризалыҡ белдергән һәм үтә күренмәле тоҡсай менән картуф килтерергә ҡушҡан.
– Әгәр һин берәйһенә асыуланһаң йәки үпкә һаҡлаһаң, бер картуфты ал да шунда бәхәсләшкән кешеңдең исемен яҙып, тоҡсайыңа һалып ҡуй, – тигән.
– Шул ғынамы? – тип аптыраған теге кеше.
– Юҡ, – тигән ҡарт, – һин ошо тоҡсайыңды һәр ваҡыт үҙең менән йөрөтөргә тейешһең. Тағы ла берәйһенә үпкәләһәң йәки асыу һаҡлаһаң, картуфтарыңды өҫтәй барырһың.
Был кеше риза булып ҡарт менән хушлашҡан. Күпмелер ваҡыт үткән. Тоҡсайына күп картуфтар һалынғанға ауыр ғына булып киткән. Уны һәр саҡ үҙе менән йөрөтөү ҙә ҡыйынлашҡан. Етмәһә, иң башта һалған картуф боҙола башлаған, тышы лайлалы шыйыҡса менән ҡапланған. Шуға насар еҫ сығарған. Ҡайһылары шытҡан.
Аптырағас, был кеше теге ҡартҡа килгән.
– Был тиклем йөктө үҙең менән йөрөтөү мөмкин түгел, беренсенән, ауыр, икенсенән, картуф боҙола. Башҡа берәй нәмә тәҡдим ит, – тигән.
Әммә аҡыл эйәһе уға былай тип яуап ҡайтарған:
– Кешеләрҙең күңеле менән дә шундай уҡ хәл була. Беҙ башта уны һиҙмәйбеҙ генә. Ҡылыҡтарыбыҙ ғәҙәткә инә, ә ғәҙәттәребеҙ холоҡҡа әйләнә. Мин һиңә шуларҙы үҙеңә ситтән күҙәтергә мөмкинлек бирҙем. Берәйһенә үпкәләргә уйлаған һайын йәки кемделер рәнйетерҙән алда, уйла: кәрәкме ул һиңә был йөк?!
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж