Бер көн улы: «Бөгөн ныҡ бәхетһеҙ көн — беҙҙең атыбыҙ юғалды», — тип илаулай икән. Атаһы: «Туҡта, ваҡыт күрһәтер, сабыр бул», — тигән. Ысынлап та, бер өс көндән аттары аҙбарға айғыр эйәртеп килеп инә. «Ах, атай, бөгөн иң бәхетле көнөбөҙ икән!» — тип ҡыуана улы.
«Көтөп тор, бәхетең бәхетһеҙлеккә әйләнеп ҡуймаһын», — тип яуаплаған атаһы. Ысынлап та, улы айғырҙы еккегә өйрәтеп маташҡанда, аттан ҡолап, аяғын һындырған. «Атай, бөгөн иң бәхетһеҙ көнөм булған икән…», — тигән улы. Атаһы: «Сабырлыҡ. Ваҡыт күрһәтер. Бәлки бөгөнгө бәхетһеҙлегең бәхеткә әйләнер», — тип яуап ҡайтарған. Бер-нисә көндән ғәрәсәтле һуғыш башланып, өйҙән-өйгә йөрөп, бөтә һау ирҙәрҙе һуғышҡа алып китәләр ти…
Шуның өсөн дә бөгөнгө бәхетлелек тойғоларың бәлки бәхетһеҙлек башылыр…
Кемдеңдер әлеге сәғәттә бәхетһеҙлеге өсөн йөрәк әрнеүе — бәхеткә ишектер…
Тимәк, ваҡыт күрһәтер, сабыр булайыҡ.
Фото: pics.loveplanet.ru