Иң ҡәҙерлеһе нимә?

Йылдар үткән. Малай мәктәптә уҡы­ған. Төрлө шөғөлдәр менән булған. Эш­ләй башлаған. Шәхси тормошон ҡор­ған. Һәр минуты ниндәйҙер эш менән булыу арҡаһында үткәндәрҙе хәтерләргә, яҡындары менән осрашырға ла ва­ҡыты ҡалмаған.
Бер көн күрше бабайҙың үлеп ҡалыуы хаҡында хәбәрҙе ишеткән һәм үткәндәрен иҫенә төшөргән. Ул бит үҙенә үлгән атаһын алмаштырырҙай кеше бул­ған, күп аҡылға өйрәткән. Ғәйебен тойоп, ерләргә ҡайтҡан.
Күмгәндән һуң кис ир кеше мәрхүмдең бушап ҡалған өйөнә ингән. Унда бөтә нәмә күп йылдар элек нисек бул­ған, шулай ҡалған...
Тик бәләкәй генә алтын ҡумта юҡҡа сыҡҡан. Ҡарттың әйтеүе буйынса, унда иң ҡәҙерле нәмә һаҡланған. Моғайын, бик аҙ ҡалған туғандарының береһе алғандыр, тип ир кеше тынысланған.
Әммә ике аҙнанан һуң ул посылка алған. Тышында күрше бабайҙың адресын күреп, тертләп киткән. Асып ҡараһа, эсендә әлеге алтын ҡумта ятҡан. Ә унда кеҫәлә йөрөтә торған алтын сә­ғәт булған. «Минең менән үткәргән ваҡыттарың өсөн рәхмәт һиңә» тигән яҙыуҙы ла күреп, күп нәмәне аңлаған. Баҡтиһәң, күрше бабай өсөн бәләкәс дуҫы менән уҙғарған ғүмере иң ҡәҙерле иҫтәлек булып һаҡланған икән...
Шул көндән башлап ир үҙенең ғаилә­һенә: улына һәм ҡатынына күберәк ва­ҡыт бүлергә тырышҡан.
Тормошобоҙҙағы иң ҡәҙерле мәлдәрҙе онотмайыҡ, уларҙы хәтеребеҙҙән юйма­йыҡ, изгелеккә изгелек менән яуап ҡайтарайыҡ. Ғүмеребеҙҙең ҡәҙерен беләйек.

А. ТЕМӘСОВ.

Фото: ya.ru.