-7 °С
Ҡар
Бөтә яңылыҡтар
Төрлөһөнән
29 Декабрь 2017, 18:42
Ҡыҙҙар-йондоҙҙар
Өр-яңы йыл килә. Йондоҙ кеүек балҡып, күңелдә яңы уй-хыял, теләк, яңы өмөттәр ҡабына. Эт йылы тыуыр алдынан илаһи бер мөғжизә тыуыр кеүек. Ә бәлки... Булыр ҙа. Уйламағанда, көтмәгәндә генә. Һәр кем быға ышана, өмөтләнә. Байназарҙан Зилиә Буранбаева менән Сәлимә Дәүләтшиналар ҙа...
Өр-яңы йыл килә. Йондоҙ кеүек балҡып, күңелдә яңы уй-хыял, теләк, яңы өмөттәр ҡабына. Эт йылы тыуыр алдынан илаһи бер мөғжизә тыуыр кеүек. Ә бәлки... Булыр ҙа. Уйламағанда, көтмәгәндә генә. Һәр кем быға ышана, өмөтләнә. Байназарҙан Зилиә Буранбаева менән Сәлимә Дәүләтшиналар ҙа...
Әтәс йылы ла был ҡыҙҙар өсөн уңышлы булғайны. Гел «бишле» билдәләренә уҡыған Зилиә урыҫ теле, йәмғиәтте өйрәнеү, математика фәндәренән олимпиадаларҙа, уҡыусыларҙың Рәсәй хәрәкәте ойошмаһы ойошторған бәйгеләрҙә лә ҡатнашып, бер ҙә һынатманы. Сәлимәнең яулаған үрҙәре тағы ла күберәк. Әхмәтзәки Вәлиди исемендәге милли китапхана «Йәншишмә» гәзите менән берлектә ойошторған викторинала III урынға лайыҡ булды, «Иң күп китап уҡыусы» район конкурсында иң-иңе булып танылды. Беҙҙең гәзит үткәргән «Минең өс айым» конкурсында II урын алды, «Мәктәбем ғорурлығы» бәйгеһендә еңеүсе тип табылды. Ә иң һөйөнөслөһө: был ҡыҙҙарға «Йәншишмә»нең «Йәш хәбәрсе» танытмаһы тапшырылды.
– Был ҡыҙҙарҙы бишенсе синыфтан уҡытам. Улар бик тырыштар. Зилиә бигерәк тә шиғыр яҙыуға оҫта, ә Сәлимәнең хикәйә, әкиәт, мәҡәләләре уңышлы килеп сыға. Күп китап уҡыуҙары ла тәьҫир итмәй ҡалмай, телдәре бик бай. Икеһе лә бейеү түңәрәгендә шөғөлләнә, спортта ла әүҙемдәр. Баскетбол, волейбол ярыштарына ла йөрөйҙәр, – ти маҡтап бөтә алмай үҙҙәрен башҡорт теле һәм әҙәбиәте уҡытыусыһы Рәсимә Рауил ҡыҙы Баязитова.
Йәш хәбәрселәребеҙ 2018 йылда ла гәзит менән дуҫлыҡ ептәрен өҙмәҫкә, әүҙем яҙышырға һүҙ биреп, иң изге уй-теләктәрен еткерҙе.
– Яңы йылға хыялдар бик күп инде. Иң мөһиме – һаулыҡ. Бөтәбеҙ ҙә сәләмәт булайыҡ. Ҙур байлыҡ ул, – тине Зилиә.
Уңыштарға өлгәшергә ярҙам итеүсе башҡорт теле һәм әҙәбиәте уҡытыусыһы Рәсимә Рауил ҡыҙына, синыф етәксеһе Нәсимә Сабир ҡыҙы Салауатоваға, әсәһенә ҙур рәхмәтле Сәлимә. Ниндәй бәйгелә ҡатнашһа ла, ярҙам итергә әҙер торалар икән.
– Тәбиғәт ҡосағындағы һәр үҙгәреште, һәр композицияны һүрәткә, фотоға төшөрөргә яратам. Шуға мин киләһе йылда үҙемдең профессиональ фотоаппаратым булыуын теләйем. Яңы йыл барыһына ла уңыштар, бәхет, шатлыҡ алып килһен. Гәзит-журналдар һәләтеңде күрһәтергә, асырға бик ярҙам итә, улар менән дуҫ булығыҙ, – ти Сәлимә.
Яңы йыл ҡыҙҙарға ла шатлыҡ-ҡыуаныстар, мөғжизә генә алып килһен!
Г. РАМАҘАНОВА.
Бөрйән районы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж