-6 °С
Болотло
Бөтә яңылыҡтар
Төрлөһөнән
11 Ғинуар 2018, 16:44
Күңелле каникул көндәре
Бына көтөп алған Яңы йыл да килеп етте. Мәктәптәрҙә үткәрелгән Шыршы байрамдарынан һуң күңелле ҡышҡы каникул башланды. Уны һәр кем үҙенсә уҙғарырға тырыша. Ҡаланыҡылар ауылға ҡунаҡҡа ҡайтһа, ауылдыҡылар Өфөгә юлланды. Баш ҡалабыҙ ҡыш көнө бигерәк матур биҙәлә шул! Һоҡланып туймайһың!
Бына көтөп алған Яңы йыл да килеп етте. Мәктәптәрҙә үткәрелгән Шыршы байрамдарынан һуң күңелле ҡышҡы каникул башланды. Уны һәр кем үҙенсә уҙғарырға тырыша. Ҡаланыҡылар ауылға ҡунаҡҡа ҡайтһа, ауылдыҡылар Өфөгә юлланды. Баш ҡалабыҙ ҡыш көнө бигерәк матур биҙәлә шул! Һоҡланып туймайһың!
Ә мин һеҙгә үҙемдең нисек ял итеүем тураһында һөйләйем әле. Тышта көндәр матур торғанда өйҙә генә сыҙап ултырып буламы ни?! Ғаиләбеҙ менән тәбиғәт ҡосағына ашыҡтыҡ. Был юлы беҙ үҙебеҙ менән дуҫтарыбыҙ Ғиндуллиндарҙы ла эйәрттек. Ни тиһәң дә, бергә күңеллерәк тә инде. Юлға атайым, әсәйем, апайым Лилиана, Флүр ағай, Ҡәҙриә апай, Алина, Дания һәм мин – саңғыла, ә ҡустым Дамир – кәритәлә, Ынйы тюбингта сыҡтыҡ.
Биш саҡрым аралағы Ҡулстанға тиҙ барып еттек. Ә унда, әйтерһең дә, мөғжизәләр урыны! Ҡышҡы урман иҫ китмәле, ғәжәп матур шул! Унда рәхәтләнеп тау шыуып, туйғансы уйнап алғас, бергәләп ҡайнар сәй эсеү ҙә күңелле булды. Урманда ваҡыттың үткәне лә һиҙелмәй икән. Беҙ ҡайтырға сыҡҡанда ҡараңғы төшә башлағайны инде.
Икенсе көндө Илеш районы үҙәге Үрге Йәркәйгә өләсәйем менән ҡартатайыма ҡунаҡҡа киттек. Беҙҙе һағынып көтөп торғандар икән. Үҙебеҙ генә булманыҡ унда. Яныбыҙға ике туған ағайҙарым Артём менән Алмаз да килеп етте. Улар менән бергәләп һырғалаҡҡа барҙыҡ, конькиҙа шыуҙыҡ, ә ҡустым Дамир бәләкәй тауҙа рәхәтләнде генә. Беҙ көндәребеҙҙе уйнап ҡына уҙғарманыҡ, һеңлем менән өй йыйыштырҙыҡ, һауыт-һаба йыуҙыҡ, гөлдәргә һыу һиптек.
Бына шулай каникулым ҡыҙыҡлы үтә. Китап, гәзит-журналдар ҙа уҡыйым. Рәхәтләнеп ял итеп, беҙ мәктәпкә көс йыйып барасаҡбыҙ.
Аделина ҠАШҠАРОВА, V синыф уҡыусыһы.
Дүртөйлө районы, Исмаил мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж