-8 °С
Болотло
Бөтә яңылыҡтар
Төрлөһөнән
31 Август 2018, 14:08
Аҡыллы каникулдар
Һәр ерҙә лә балаларҙың һәм үҫмерҙәрҙең йәйге ялын ойоштороуға, һаулығын нығытыуға ҙур иғтибар бирелә. Ял күңелле лә, файҙалы ла, фәһемле лә булырға тейеш. Тап шул маҡсат менән яңыраҡ Бөрйән районы Иҫке Собханғол мәктәбендә төрлө сараларҙа, олимпиада һәм конкурстарҙа әүҙем ҡатнашҡан һәләтле балалар өсөн «Аҡыллы каникулдар» лагеры ойошторолдо.
Тәүге көндә уҡыусылар исем, девиз, йыр һайлағас, линейкаға теҙелде. Артабан балалар, үҙ һәләттәрен күрһәтеп, йырлап-бейеп концерт ҡуйҙы, күңел асты, төрлө сараларҙа ҡатнашты. Һәр көн физик күнекмәләрҙән, зарядканан, ә артабан ашнаҡсы апайҙар бешергән тәмле аш-һыуҙы ауыҙ итеүҙән башланды.
Лагерҙың программаһы буйынса башланғыс синыф уҡытыусылары, урыҫ теле һәм әҙәбиәтенән – Гөлнур Ғибәт ҡыҙы һәм Нурзилә Мозафар ҡыҙы, химиянан – Марсель Тәлғәт улы, физиканан – Фәнүзә Әҡсән ҡыҙы, математиканан Гөлйемеш Зәки ҡыҙы ҡыҙыҡлы ла, фәһемле лә дәрестәр әҙерләгәйне. Балалар мәктәптә үҙҙәре үткән темаларҙы иҫкә төшөрҙө, викторина, тест һорауҙарына яуап бирҙе, йырҙар өйрәнде, олимпиадаларҙа, сәхнәләштереүҙәрҙә, мини-фильм төшөрөүҙә ҡатнашты.
Ял көндәре файҙалы ла, күңелле лә үтеп китте. Уҡыусылар алдағы уҡыу йылына яңы тәҫьораттар, көс-дәрт алып, лагерҙың һуңғы көндәрендә уҡытыусыларға, мәктәп етәкселегенә рәхмәттәрен белдерҙе.
Нурзилә ҒӘЛИЕВА.
Бөрйән районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж