-6 °С
Болотло
Бөтә яңылыҡтар
Төрлөһөнән
21 Сентябрь 2018, 16:17
Бүләккә – спорт майҙансығы
Баш ҡаланың Зәйнәб Биишева исемендәге 140-сы башҡорт гимназияһында күп функциялы спорт майҙансығы асылды. Уның төҙөлөүен ике йыл тирәһе көткәйнеләр, ниһайәт, изге хыялдарын тормошҡа ашырырға «Аныҡ эштәр» проекты ярҙам итте.
– Яңы уҡыу йылында спорт майҙансығы асылыуы ата-әсәләр, балалар өсөн ҙур ҡыуаныс булды. Бының өсөн республика Башлығына, «Берҙәм Рәсәй» партияһына, Өфө моторҙар эшләү берекмәһенә рәхмәтлебеҙ. Спорт майҙансығы күптән кәрәк ине. Үҙебеҙҙең уҡыусылар ҙа, яҡын тирәлә йәшәгәндәр ҙә йыл әйләнәһенә килеп шөғөлләнә аласаҡ. Ул балаларға яңы еңеүҙәр яуларға ярҙам итеренә өмөтләнәбеҙ, – ти гимназияның директоры Булат Илшат улы Зинуров.
Күптән түгел генә сафҡа ингән спорт майҙансығы хәҙерге заман талаптарына яуап бирә. Яһалма резиналы ҡаплам түшәлгән, мини-футбол, баскетбол һәм башҡа спорт төрҙәре менән шөғөлләнеү өсөн бөтә уңайлыҡтары бар. Еңел атлетика, оҙонлоҡҡа һикереү, воркаут буйынса ярыштар ҙа үткәрергә була.
Әйткәндәй, был гимназияла балаларҙы спортҡа йәлеп итеү, сыныҡтырыу, ижади яҡтан үҫтереү буйынса ныҡ иғтибар бүленә. Белем усағында 20-гә яҡын түңәрәк эшләй. Ҡыҙҙар, малайҙар шахмат, туризм, еңел атлетика, тхэквондо, акробатика, нәфис гимнастика, ушу, волейбол секцияларында теләп шөғөлләнә. Милли көрәш тә үҫтерелә башлаған. Унда йөрөүселәр гимназия һабантуйында көстәрен һынап, етенсе синыфтан Кодиржан Саматов тере һарыҡ тәкәһе менән бүләкләнгән. Республика кимәлендәге төрлө спорт ярыштарында ла һынатмайҙар, призлы урындар яулап торалар.
Гөлназ ШӘЙХЕТДИНОВА.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж