+1 °С
Ҡар
Бөтә яңылыҡтар
Төрлөһөнән
5 Октябрь 2018, 13:02
Тырышҡан – мораҙына ирешкән
Быйылғы Ирекмәндәр йылында байтаҡ изге эштәр башҡарып өлгөрҙөк. Ветерандарыбыҙға ярҙам иттек, «Сайран» ял итеү базаһы тирәләй таҙартыу эштәре алып барҙыҡ, Сибай «Ышаныс» балалар приютына кейем-һалым, уйынсыҡтар йыйып тапшырҙыҡ. Урамдарҙа ҡарауһыҙ ҡалған бесәйҙәрҙе лә ашаттыҡ. Был изге ниәтебеҙҙе тәрбиәсебеҙ Нурия Нуриман ҡыҙы менән уның ярҙамсыһы Альбина Бикташевалар ойошторҙо.
Ирекмәндәрҙе дәртләндереп, сәмләндереп тороусы һабаҡташтарым Динә Күскилдина, Эльвира Алсынова, Салауат Дәүләтҡолов, Миңлегөл Нураева, Динислам Яҡшыбаевтар булғанда, беҙҙең «Арғымаҡ»тар ярты юлда туҡтап ҡалмаясаҡ. Әйткәндәй, уҡыу йылы аҙағында гимназиябыҙҙа йыл йомғаҡтары буйынса еңеүсе синыф булып бүләкләнгәйнек һәм әле яңыраҡ иң әүҙем, тырыш, берҙәм икәнлегебеҙҙе йәнә бер тапҡыр иҫбатланыҡ.
Беҙҙең интернат-гимназияла йыл һайын үткәрелгән «Һаулыҡ көнө» лә Ирекмәндәр йылына бағышланды. Төрлө этаптарҙан торған эстафета турҙарын үтеп, сәмләнеп ярыштыҡ. Дәртле йырҙар йырлап, ҡырҙа саф һауала матур ял итеп ҡайттыҡ. Беҙҙең «Арғымаҡ» ирекмәндәр командаһы ла был ярышта ҡатнашмайынса ҡалманы. Үҙебеҙ уйлап сығарған ярыш тураһында йыр башҡарып, һәр бер этапты лайыҡлы үтеп, жюриҙы таң ҡалдырҙыҡ һәм тағы I урын яуланыҡ.
Юҡҡа ғына: «Тырышҡан – мораҙына ирешкән», – тип әйтмәйҙәр бит. Юғары маҡсат ҡуйып, гел алға әйҙәүсе хөрмәтле тәрбиәсебеҙ Нурия Нуриман ҡыҙы Туйсинаға рәхмәтлебеҙ. Кешегә изгелек эшләгән һайын ул үҙеңә меңләтә әйләнеп ҡайта, тигәнгә беҙҙең «Арғымаҡ» ирекмәндәр төркөмө тоғро ҡалырға тырыша.
Гөлсинә РАХМАНҒОЛОВА,
IX «В» синыфы уҡыусыһы.
Сибай ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж