+12 °С
Ямғыр
Бөтә яңылыҡтар
Төрлөһөнән
9 Ноябрь 2018, 14:54
Халҡыбыҙҙың аҫыл йондоҙо
Мәктәбебеҙҙә Мостай Кәримдең тормошо һәм ижады буйынса әҙәби-музыкаль кисә үтте. Уны Регина Исмәғилева менән Мирас Сирбаев матур итеп алып барҙы. Уҡыусылар Мостай Кәримдең шиғырҙарын яттан һөйләне, йырҙарын башҡарҙы. Уҡытыусылары Фәйрүзә Хәмзә ҡыҙы Ҡарағолова менән V «А» синыфы әҙерләгән сығыш та көслө алҡыштарға күмелде.
Мәктәбебеҙҙә Мостай Кәримдең тормошо һәм ижады буйынса әҙәби-музыкаль кисә үтте. Уны Регина Исмәғилева менән Мирас Сирбаев матур итеп алып барҙы. Уҡыусылар Мостай Кәримдең шиғырҙарын яттан һөйләне, йырҙарын башҡарҙы. Уҡытыусылары Фәйрүзә Хәмзә ҡыҙы Ҡарағолова менән V «А» синыфы әҙерләгән сығыш та көслө алҡыштарға күмелде.
Кисәгә мәктәптә оҙаҡ йылдар биология дәресенән уҡытҡан, хәҙерге көндә хаҡлы ялда булған Көнһылыу Зәки ҡыҙы Ҡотлобаева саҡырылды. Ул беҙгә бөйөк шағир менән нисек яҡындан танышыуы тураһында бәйән итте. «Бер мәл «Йәшлек» гәзите «Минең кумирым» тигән конкурс иғлан иткәйне. Баҫмала сыҡҡан бар мәҡәләләр менән танышып барҙым. Күмертауҙан башҡорт теле уҡытыусыһы Мостай Кәримдең үҙенең кумиры булыуы тураһында ҙур мәҡәлә яҙғайны. Әммә шағир менән осрашыуға гәзитте алдырған кешеләр генә саҡырыла ине. Ә был уҡытыусы «Йәшлек»кә яҙылмаған икән. Ныҡ йәлләнем үҙен. Шунан мин редакцияға, гәзиткә яҙылған квитанциямды уҡытыусыға бирәм, тип яҙып ебәрҙем. Уйламағанда икебеҙҙе лә Мостай Кәрим менән осрашыуға саҡырҙылар. Тәүҙә мин барырға ҡыймай торҙом, әммә барыбер ризалаштым, хөрмәт итмәү булыр, тип уйланым. Ул сарала Мостай Кәрим менән генә түгел, ә Ноғман Мусин, Нурия Ирсаева, донъя кимәлендә танылған күренекле офтальмолог Марат Аҙнабаев һәм башҡа билдәле шәхестәр менән күрештек. Осрашыуға шағир үҙе килә алманы, әммә беҙҙе эргәһенә саҡырып алды. Ул юғары ҡан баҫымы менән дауаханала ята ине. Ниндәйҙер ҙур тулҡынланыу менән барҙым, шундай бөйөк кеше менән осраштым бит. Эргәһендә оҙаҡ тормаһаҡ та, уның менән аралашыу миңә ниндәйҙер көс, энергия биргән һымаҡ булды… Үҙе лә, әҫәрҙәре лә мәңгелек», – тип һөйләне Көнһылыу Зәки ҡыҙы.
Хөрмәтле уҡытыусыбыҙҙың сығышын барыһы ла йотлоғоп тыңланы. Шуны әйтеп үтергә кәрәк, Мостай Кәрим беҙҙең мәктәптә 2003 йылда булып киткән. Ул саҡта бөйөк шағирыбыҙ менән осрашыу ҙур байрам итеп үткәрелгән. Шул ваҡыттағы сығышын әле булһа ла яҡты хәтирәләр менән иҫкә алалар. Сара аҙағында һәр кем унан автограф алған. Мостай Кәримдең матур теләктәр яҙылған был китаптары әлеге көндә лә бик ҡәҙерләп һаҡлана.
Зилиә БУРАНБАЕВА.
Бөрйән районы, Байназар мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж