+12 °С
Ямғыр
Бөтә яңылыҡтар
Төрлөһөнән
11 Ғинуар 2019, 16:56
Сәхнәлә – «Самрау»ҙың йәш артистары
Йәш, талантлы яҙыусы Айгиз Баймөхәмәтовтың «Ҡалдырма, әсәй!» повесы буйынса ҡуйылған спектакль тамашасылар күңелен яулап, әле лә ҙур уңыштар менән бара. Ә бына яңыраҡ Мәжит Ғафури исемендәге Башҡорт дәүләт академия драма театрының «Самрау» балалар студияһы ошо әҫәр буйынса мини-спектакль күрһәтте. Белеүегеҙсә, унда яҙмыш тарафынан ҡыйырһытылған балалар йорто тәрбиәләнеүселәренең тормошо һүрәтләнә. Йәш артистар үҙҙәренә бирелгән эште тамашасыларҙы тетрәндерерлек итеп, бына тигән башҡарып сыҡты.
Ролдәрен бирелеп, ихлас уйнанылар. Студияның етәксеһе Урал Әминев әйтеүенсә, етдиерәк берәй спектакль ҡуяйыҡ, тип балалар был әҫәрҙе үҙҙәре һайлаған икән.
– «Самрау» студияһы етенсе йыл эшләп килә. Унда шөғөлләнгәндәрҙең күптәре хәҙер ҙур сәхнәлә профессиональ артистар менән бергә уйнай. Байтағы ошо юлды һайлап, әлеге көндә Мәскәүҙә Щепкин исемендәге училищела уҡыуҙарын дауам итә. Бөгөнгө балаларҙың сығышын да күҙ йәштәре аша ҡарап ултырҙым. Киләсәктә уларҙың да һәр береһе үҙенең юлын табыр, – тип театрҙың художество етәксеһе Олег Закир улы Ханов бәләкәй йондоҙсоҡтарға уңыштар теләне.
Ошондай тамаша бүләк иткәндәре өсөн ҡуйыусы режиссёр, театрҙың талантлы актёры Урал Әминевкә, билдәле актрисалар Гөлфиә Рафиҡова (режиссёр ярҙамсыһы) менән Ирада Ҡадироваға (йыр буйынса педагог), хореограф Резеда Алтыншинаға һәм, әлбиттә, спектаклдә ҡатнашыусы барлыҡ балаларға ҙур рәхмәт.
Ошондай тамаша бүләк иткәндәре өсөн ҡуйыусы режиссёр, театрҙың талантлы актёры Урал Әминевкә, билдәле актрисалар Гөлфиә Рафиҡова (режиссёр ярҙамсыһы) менән Ирада Ҡадироваға (йыр буйынса педагог), хореограф Резеда Алтыншинаға һәм, әлбиттә, спектаклдә ҡатнашыусы барлыҡ балаларға ҙур рәхмәт.
Х. ХӘСӘНОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж