+12 °С
Ямғыр
Бөтә яңылыҡтар
Төрлөһөнән
18 Ғинуар 2019, 15:33
Тәүге тапҡыр «Аҡыллы йорт» темаһына хакатон
Ооо! «Аҡыллы йорт»! Етмәһә һаулыҡтары буйынса мөмкинлеге сикләнгәндәр өсөн. Яңы проект бик ҡыҙыҡлы күренә түгелме? Бергәләп команда менән эшләү ҙә мауыҡтырғыс булыр һымаҡ.
Үткән шәмбе республика балалар белем биреү технопаркында беренсе тапҡыр «Аҡыллы йорт» темаһына проект-команда уйыны ойошторолдо. Уны икенсе төрлө хакатон тип тә атайҙар. Ә ул нимәне аңлата икәнен беләһегеҙме? Был термин 1999 йылда барлыҡҡа килгән, уйлап табыусылар форумы ул. Төрлө өлкәләге белгестәр – программистар, дизайнерҙар, менеджерҙар ниндәйҙер бер бирелгән мәсьәлә өҫтөндә эшләй. Марафон бер көндән бер аҙнаға тиклем дауам итә. Ә технопаркка йөрөүсе балалар ҡатнашлығында ойошторолған уйын өс сәғәт буйына дауам итте. Иң тәүҙә бында эшләп килгән электроника лабораторияһы, сәнәғәт дизайны, автоквантум, робоквантум, IT-квантум һәм VR/AR берекмәләренән берәр вәкил алынып, дүрт команда төҙөлдө. Унан инде буласаҡ инженерҙар бер секундтарын да әрәм-шәрәм итмәй, ижад лабораторияларына юлланды. Уларға бирелгән кейс буйынса эште тиҙ арала атҡарып сығырға кәрәк ине.
«Аҡыллы йорт»то һәр кем үҙенсә күҙаллап, уйлағандарын һынландырырға тырышты. Команда эше ҡайнаны ғына. Капитандары һәр береһенә эш бүлеп бирҙе: дизайнерҙар проектың биҙәлеше өсөн яуап бирһә, робоквантумдыҡылар legoEV3 нигеҙендә роботлаштырылған моделдәр уйлап тапты, макет эшләү һәм уны тәьмин итеү автоквантумдыҡылар иңенә төштө, VR/AR өҫтәлмә һәм виртуаль ысынбарлыҡты эшләне, IT-квантумдыҡылар программалауҙы үҙ өҫтөнә алды.
– Беҙ ике ҡатлы йортобоҙға электр утын һәм газды күҙәтеү аҫтында тотоусы яңы система ҡуйҙыҡ. Әгәр ҙә инвалид кеше кухнянан сыҡҡанда газды һүндерергә онотһа, барыһы ла автоматик рәүештә башҡарыласаҡ. Икенсе ҡатҡа менергә уңайлы булһын өсөн лифт та урынлаштырҙыҡ. Санузелды ла бөтә уңайлыҡтар менән эшләнек, – ти IT-квантум командаһының капитаны Әмирхан Әхмәтйәнов.
Улар эшләгән проекттарын уңышлы яҡлап, «Аҡыллы йорт» проект-команда уйынында еңеүсе тип танылды. Бөтә ҡатнашыусыларға ла сертификаттар тапшырылды.
– Беҙ ике ҡатлы йортобоҙға электр утын һәм газды күҙәтеү аҫтында тотоусы яңы система ҡуйҙыҡ. Әгәр ҙә инвалид кеше кухнянан сыҡҡанда газды һүндерергә онотһа, барыһы ла автоматик рәүештә башҡарыласаҡ. Икенсе ҡатҡа менергә уңайлы булһын өсөн лифт та урынлаштырҙыҡ. Санузелды ла бөтә уңайлыҡтар менән эшләнек, – ти IT-квантум командаһының капитаны Әмирхан Әхмәтйәнов.
Улар эшләгән проекттарын уңышлы яҡлап, «Аҡыллы йорт» проект-команда уйынында еңеүсе тип танылды. Бөтә ҡатнашыусыларға ла сертификаттар тапшырылды.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж