-9 °С
Болотло
VKOKfacebookTikTokInstagram
Бөтә яңылыҡтар
Төрлөһөнән
12 Апрель 2019, 15:18

«Тамыры ныҡ Башҡортостан»

Дуҫтар, «Башҡортостан» концерт залында ҡасан алма төшөрлөк тә урын булмай? Белеп ҡуйығыҙ: «Тамыр» телеканалы һәр яҙ һайын үткәргән концертта. Быйыл да нәҡ шулай ине. Илһөйәр, телһөйәр атай-әсәйҙәр балаларын был матур тамашанан бер ҙә ҡалдырмаҫҡа тырыша.

– Концертҡа тәүгә алып килдек. Алтынай менән Йәсминәгә байрам бик оҡшай. Бик ихлас ҡарап, сәпәкәй итеп ултырҙылар, һөйләп хәбәрҙәре бөтмәй, – ти әсәйҙәр.
Әлбиттә, «Сулпылар» телевизион йыр конкурсы еңеүселәре һәм лауреаттары булған һәләтле йәш йырсыларҙың сығыштарын да яратып ҡараны тамашасы. «Дарман», «Хы­ялға ҡаршы» кеүек бейеү коллективтары ла сәхнә биҙәге булды. Фойела иһә тәнә­фес ваҡытында төрлө уйындар ойошторолдо, кескәйҙәргә тәмлекәстәр таратылды.
Балалар «Тамыр»ҙа үҫкән йәш йондоҙҙарға тиңләшергә тырыша, улар кеүек матур итеп туған телдә – башҡортса һөйләшергә ынтыла. Телеканалдың төп маҡсаттарының береһе ошо ла инде.

Эльвира ӘСӘҘУЛЛИНА.