Быйылғы конкурста республиканың төрлө төбәктәренән 12 ҡыҙ ҡатнашасаҡ. Һылыуҡайҙар матурлыҡ, буй-һын буйынса ғына баһаланмай, уларҙың ижади һәләттәре лә иҫәпкә алынасаҡ. Башҡорт телен белеү ҙә – төп шарттарҙың береһе. Бәйге халҡыбыҙҙың ғөрөф-ғәҙәттәрен, йолаларын, милли-мәҙәни хазиналарын пропагандалау, таратыу, йәш быуынға еткереү сараһы ла булып тора.
Быйылғы бәйге Башҡортостандың 100 йыллығына һәм 2020 йылда республикала уҙасаҡ фольклориадаға арнала.