-31 °С
Болотло
Бөтә яңылыҡтар
Төрлөһөнән
24 Май 2019, 15:31
Аҡ юл һеҙгә, ун беренселәрем!
Республикабыҙ район-ҡалаларында сығарылыш синыфы уҡыусылары өсөн байрам тантаналары бара. Быйыл мәктәпте 19 меңгә яҡын ун беренсе һәм 42 меңдән ашыу туғыҙынсы синыф уҡыусылары тамамлаясаҡ.
Быйыл минең XI «А» синыфым мәктәпте тамамлай. Улар менән танышҡан көндө үк ҡыҙҙар hәм егеттәрҙең һәләтле, ныҡышмал, ижади балалар булыуҙарын аңланым. Ысынлап та, йыл һайын бар синыф менән тиерлек төрлө фән буйынса мәктәп, район, республика кимәлендәге олимпиадаларҙа ҡатнашып торҙолар, фәнни-ғәмәли конференцияларҙа, конкурстарҙа ла көстәрен hынанылар.
Уларҙың төрлө яҡлап үҫешкән булыуҙарын да билдәләп китке килә. Спорт менән бик дуҫтар, баскетбол, волейбол, фигуралы шыуыу, хоккей буйынса ярыштарҙа һынатмайҙар. Синыфымда мода театрында шөғөлләнеп, Бөтә Рәсәй бәйгеләрендә лауреат булған ҡыҙҙар ҙа, хискә бирелеп, шиғыр hөйләүселәр ҙә булыуы ҡыуаныслы.
Уҡыу ун беренселәрем өсөн иң беренсе урында торҙо. Үҙҙәре ифрат ҡыҙыҡһыныусандар, башланған эште еренә еткереп ҡуялар. Шуға синыфыбыҙҙың өлгәше лә юғары кимәлдә булды. Илзирә Әхмәҙиева, Нина Денисова, Ләйсән Харисоваларҙың миҙалға дәғүә итеүе лә юҡҡа түгел.
Башҡа синыфтарҙан улар еңеүгә ынтылыштары булыу менән айырылып тора. Белем усағында уҙғарылған һәр сараға ижади ҡарап, 23 уҡыусым да бик әүҙем ҡатнашты. Былтыр беҙҙең синыф үҙидаралыҡ көнөн юғары кимәлдә уҙғарып, үҙҙәрен бик яуаплы, һәләтле уҡыусылар итеп күрhәтте.
Мин ун беренселәремдә кешелеклек, изгелек, ихласлыҡ, толерантлыҡ кеүек сифаттар тәрбиәләргә тырыштым. Уларҙың киләсәктә Башҡортостандың лайыҡлы кешеләре булып китеүҙәренә ышанам.
Ваҡыт тиҙ генә үтә шул. Аҡыллы, ҡыҙыҡһыныусан, ҡуйған маҡсаттарына ынтылыусан уҡыусыларым менән хушлашыу мәле лә килеп етте. Һәр береһенең имтихандарҙы уңышлы тапшырып, ҙур ҡатмарлы тормошта үҙ юлдарын табыуҙарын теләйем.
Эльза ДАНИЛОВА, синыф етәксеһе.
Әлшәй районы, Раевкалағы 2-се мәктәп.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж