+12 °С
Ямғыр
Бөтә яңылыҡтар
Төрлөһөнән
7 Июнь 2019, 12:41
Еңеүҙәре алда әле
«Сулпылар» тапшырыуы бара. Шунда «Ел ҡапҡа»ны башҡарған ҡыҙ иғтибарҙы үҙенә тартты. 11 йәшлек кенә Диананың өлкәндәр өсөн дә ауыр тойолған был халыҡ йырын моңло итеп башҡарып сығыуына ҡыуандым.
Ә «Сулпылар» өсөн махсус тегелгән күлдәге ниндәй матур! Әлбиттә, ҡыҙға ауыр булды, әммә уның йәшен иҫәпкә алғанда, бик һәйбәт сығыш яһаны. Был, әлбиттә, минең, йәғни ябай тамашасының, фекере. Үкенескә күрә, Диана II турға үтмәне. Әммә Өфөгә килеп, республика телевизион йыр конкурсында ҡатнашып, тәжрибә туплап ҡайтыуына шат ул. Ҡыҙҙың еңеүҙәре алда әле, тип ышаныс менән әйтергә мөмкин.
Диана Рәхимова Ғафури районы Красноусол башҡорт гимназияһында V синыфты «бишле» билдәләренә генә тамамланы. Тыныс, тыйнаҡ ҡына ҡыҙыҡай ул. Һүрәт төшөрөргә әүәҫ, ҡул эштәре менән мауыға.
– Атаһы тыуған көнөнә теген машинаһы бүләк иткәс, бесәйенә төрлө кейемдәр тегә башланы. Һуңғы арала интернеттан ҡарап тәмлекәстәр ҙә бешерә. Ҡурсаҡтарының сәстәренә причёскалар эшләргә ярата, – ти әсәһе.
Йырларға, бейергә әүәҫ Диана бәләкәйҙән радионан йә телевизорҙан ишеткән, үҙенә оҡшаған көйҙәрҙе тиҙ генә отоп ала. Был һәләте өләсәһенән киләлер, сөнки ул да моңло итеп оҙон көйҙәрҙе йырлай икән. Диана ла «Төйәләҫкәй»ҙе башҡарып, Шишмә районында уҙған «Яҙғы тамсылар» конкурсында – III, Зәки Мәхмүтов исемендәге VII асыҡ район йыр конкурсында I урынға лайыҡ булған.
Динә Ғилман ҡыҙы Абдуллина етәкселегендәге «Наҙ» ансамблендә лә йырлай. Быйыл Дүртөйлө ҡалаһында үткәрелгән «Яҙғы тамсылар» йыр конкурсында I урын алғандар. Ә Стәрлетамаҡта «Сәскә ат, Башҡортостаным!» VI төбәк-ара бәйгеһендә «Наҙ» ансамбле ҡыҙҙары менән – I, Диана яңғыҙ «Бер алманы бишкә бүләйек» йыры менән II урын алып ҡайтҡан.
Йәш йырсы ҡыҙҙың да йәйге каникулы, күп ауыл балаларыныҡы кеүек, өйҙә, баҡсала, йорт-ҡура тирәһендә атай-әсәһенә ярҙам итеп үтәсәк. Быйыл, Алла бирһә, тәүге тапҡыр лагерға ял итергә барасаҡ.
Дианаға күңелле йәй һәм киләсәктә сәнғәт юлында тағы ла ҙурыраҡ уңыштарға өлгәшеүен теләйбеҙ.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж