Бөтә яңылыҡтар
Төрлөһөнән
14 Июнь 2019, 12:54

Фәдис, маладис!

Фәдис Хәмиҙуллиндың шатлығы йөҙөнә сыҡҡайны. Етенсе синыфты тик «бишле»гә генә тамамлаған икән дә!

Фәдис тәрбиәсеһе Альбина Мөхәррәм ҡыҙы менән.
Фәдис тәрбиәсеһе Альбина Мөхәррәм ҡыҙы менән.
Бына әле «Йәншишмә» гәзите үткәргән «Тарих яҙабыҙ» конкурсында икенсе урын өсөн бүләк алып та ҡыуанды. Йәйге каникулын шулай яҡшы кәйеф менән ҡаршыланы инде.

– Бик өлгөлө, тырыш уҡыусы ул, – тип маҡтай үҙен тәрбиәсеһе Альбина Мөхәррәм ҡыҙы Уразаева. – Беҙҙең гимназияға уҡырға Өмбәт ауылынан бишенсе синыфҡа килде. Тарихты, спортты ярата. Башҡорт теле һәм әҙәбиәтенән дә һынатмай.

«Йәншишмә» үткәргән бәйгегә Фәдисте Альбина Мөхәррәм ҡыҙы дәртләндерә. Әсәһе Гөлфирә Ғиззәтулла ҡыҙы – китапханасы, улына эҙләнеү эшендә ярҙам иткән. Ер-һыу атамалары менән ҡыҙыҡһыныуы, тыуған яғының тарихын өйрәнеүе, ысынлап та, күптәргә өлгө булырлыҡ. Афарин!

Мирсәйет ЮНЫСОВ.
Ейәнсура районы, Иҫәнғолдағы башҡорт интернат-гимназияһы.

Читайте нас в